Ансамблот за народни ора и песни "МАКЕДОНКА" од Охрид, Р. Македонија е основан во 2006 година.

Ансамблот се состои од: група за народни ора, детска група за народни ора, народни пејачи и оркестар.

За краток период групите постигнаа голем успех и добија многу признанија. Во ансамблот членуваат повеќе од 250 членови од Охрид и околните села и градови, кои редовно настапуваат во трите годишни категории.

Под водство на кореограф го откриваат и надоградуваат својот талент, и се запознаваат со боите и ритамот на македонскиот фолклор.

Нашиот ансамбл ја воодушевува публиката со атрактивни ора, костими, музика и прекрасни гласови.

Репертоарот на ансамблот вклучува ора, кои влечат корени од различни етнографски краеви на Македонија, како:

·        "Тресеница" - женско оро од Мариово, област блиску до градот Прилеп, централна Македонија.

·        "Калајџиско" - кореографијата е од централниот дел на Македонија, поточно од околината на градот Велес.

·        Ора и песни од "Егеј" - дел од Македонија

·        "Драчевка" - оро од Драчево, област во околината на градот Скопје

·        "Седенка" - кореографија инспирирана од источниот македонски фолклор.

·        "Водарки" - женско оро кое е композиција од различни песни и ора, претежно од источна Македонија

·        "Осоговско - малешевска плетенка"

·        "Фолклорна фантазија"

·        "Пиринско пролетно цвеќе"

·        "Комитско"

·        "Кадриљ" (Руска кореографија)