Ансамблот за народни песни и игри “МАКЕДОНКА“ од Охрид е организатор и ко-организатор на три фестивали кои се одржуваат во Охрид:

             1.   “Св. Кирил и Методиј“ од 22 до 26 Мај

             2.   “Разиграно оро“          од 20 до 30 Јуни

             3.   “ Охридско Сонце“  од 20 до 30 Август

          Фестивалите се меѓународни и на нив учествуваат Ансамбли од целиот свет.

Истите се организираат со цел заедно да уживаме во најразличните култури презентирани преку игрите, музиката како и колоритните носии.

Учесниците покрај запознавањето со најразлични култури од повеќе земји во светот ќе имаат можност за дружење и стекнување на нови пријателства.

          Покрај тоа, учесниците имаат можност да се запознаат и со убавините на нашиот град Охрид кој е под заштита на УНЕСКО заедно со Охридското Езеро.

Фестивалите се одржуваат во Охрид, Р. МАКЕДОНИЈА.

          Охрид е сместен во југозападниот дел на Македонија покрај  Охридското Езеро во подножјето на планината Галичица. За подетални информации за градот посетете ја веб страната http://www.ohrid.com.mk/

          Организаторот на фестивалите е одговорен за:

1. Сместување на учесниците во хотел со категорија *** или во други соодветни хотели од сличен ранг (двокреветни и трокреветни соби)

2. Исхрана (три оброци дневно, за времетраење на фестивалот)

3. Организација на настапите на учесниците, дефилето, како и екскурзиите во Охрид и неговата околина

4. Обезбедува пригодни подароци и диплома за Ансамблите - учесници

          Должности на учесниците:

1. Секоја група треба да е составена најмногу од 40-45 членови, вклучувајќи ги играорците, музичарите. водачите на групата, администрација и возачи.
2. Да понесе со себе знаме на земјата која ја претставува.

3. Да припреми програма во времетраење од 20 - 30 минути.

4. Секоја група може да одбере термин од 4-5 дена во наведениот термин од 10 дена за фестивалите Разиграно оро и Охридско сонце

Котизација на секој од фестивалите е 20 Eвра на ден за секој учесник.

Оваа котизација е за покривање на дел од трошоците за хотел, храна и други трошоци.

Доколку сте заинтересирани за учество на нашите Фестивали можете да ја погледнете програмата за секој од нив

со избирање на фестивалот за кој сте заинтересирани од главното мени.